السلام عليكم ورحمة الله وبركاته
كتير واحنا ماشيين فى شوارع القاهرة بنشوف الغرائب والعجائب ساعات بنضحك عليها وساعات بنبكى عليها
ففكرت افتح مدونة لكل الناس اللى زى حلاتى اللى ليهم مشوار كل يوم فى شوارع القاهرة
وبالاخص الناس اللى بيلفت نظرهم مواقف
هانحكى الموقف
ونعلق عليه
ونشوف ابعاده ونشوف هل هو سلبي ولا لا طبعا هانبعد عن المواقف السياسية لانها مواقف ليها اكتر من بعد وهانبقى مختلفين عليها
ادعوكم لنشر ( المواقف العابرة فى شوارع القاهرة )
هناك تعليق واحد:
اول موقف احب احكى عنه حصل لى من مدة مش كتيرة يعنى شهرين كنت راجع من وسط البلد وكنت ماشى امام القصر الجمهورى فى ميدان الحدائق
ولفت نظرى انه يوجد بوكس شرطة وبه شرطيون اظنهم فرقة مباحث واعتلى صوت فتاة اظنها فى السابعة او التاسعة عشر من عمرها
وكانت تطالب الشرطى بخمس جنيهات وتقول فلوسى ياباشا
بعد لحظات فهمت الموقف
البنت من بنات **** وكان يسير معها شاب اظن انه مسجل فقبضت عليه الشرطة وهو معها فتركوا البنت ولم يفلتوا الشاب
وطبعا عشان البنت مكافحة لطلب العيش صارت تنادى وتطالب امين الشرطة بان يدفع الشاب خمس جنيه اجرتها اللهم عافنا
الاغرب من كدة ان الشاب وقف وقام الامين وهو بيجروا للبوكس ليدفع لها المال
وسارت الفتاة امامى وكانها تتبختر من فوز محقق
هل اصبح جمع المال من حرام فوز محقق
واتسال لو كنتم فى الموقف ده كنتوا ها تتفرجوا زى وتيجوا تحكوا ولا هاتتخذوا موقف
عايز اقرا تعليقاتكم عن الموضوع
إرسال تعليق